جلا وطن ایرانی رہنما رضا پہلوی ایک شخص نے سرخ مائع پھینک دیا،حملہ آور گرفتار

برلن : ایران کے جلا وطن رہنما رضا پہلوی ایک شخص نے سرخ رنگ کا مائع پھینک دیا۔

غیر ملکی میڈیا رپورٹس کے مطابق یہ واقعہ اس وقت پیش آیا جب وہ جرمنی کے دارالحکومت برلن میں ایک پریس کانفرنس کے بعد باہر نکل رہے تھےکہ اسی دوران ایک شخص نے ان پر سرخ رنگ کا مائع پھینک دیا۔

میڈیا رپورٹس کے مطابق رضا پہلوی اس حملے میں وہ محفوظ رہے اور انہیں کوئی نقصان نہیں پہنچاجبکہ حملہ آور کو فوری طور پر پولیس نے گرفتار کر لیا۔

رپورٹس کے مطابق اس سے قبل پریس کانفرنس کے دوران رضا پہلوی نے ایران کی حکومت پر سخت تنقید کی اور کہا کہ موجودہ نظام میں تبدیلی کے امکانات کم ہیں۔ 

پریس کانفرنس میں انہوں نے یورپی ممالک سے مطالبہ کیا کہ وہ ایرانی عوام کی زیادہ حمایت کریں جو جمہوریت کے لیے جدوجہد کر رہے ہیں۔

خیال رہے کہ رضا پہلوی کئی دہائیوں سے جلاوطنی کی زندگی گزار رہے ہیں اور خود کو ایران کے مستقبل میں ایک ممکنہ کردار کے طور پر پیش کرتے ہیں۔