پہلگام واقعہ سے متعلق بھارتی الزامات بے بنیاداور پروپیگنڈا ہیں،دفتر خارجہ

اسلام آباد: پاکستان دفتر خارجہ نے پہلگام فالس فلیگ واقعے سے متعلق بھارتی الزامات کو بےبنیاد قرار دیتے ہوئے انہیں پروپیگنڈا قرار دیتے ہوئے مسترد کر دیا۔

ترجمان دفتر خارجہ کے مطابق بھارت خطے میں امن کوششوں کو نقصان پہنچانے کی کوشش کر رہا ہے، بھارت اندرونی سیاسی مفادات کیلئے جھوٹا بیانیہ گھڑ رہا ہے، ترجمان مزید نے کہا کہ بھارت دہشتگردی کے الزامات سے توجہ ہٹانے کی کوشش کر رہا ہے، آپریشن  بُنْيَانٌ مَّرْصُوْص  کے بعد بھارت کے الزامات نئی سازش ہیں۔

ترجمان دفترخارجہ نے کہا کہ بھارت علاقائی کشیدگی کے باوجود داخلی سیاسی مقاصد کے لیے پاکستان کے خلاف جھوٹے بیانیے کو ہتھیار کے طور پر استعمال کر رہا ہے، جو ایک پرانی حکمت عملی کا حصہ ہے۔ 

طاہر اندرابی کے مطابق گزشتہ سال آپریشن بنیان المرصوص کی صورت میں مؤثر جواب ملنے کے بعد بھارت ایک بار پھر الزامات کے ذریعے حقائق سے توجہ ہٹانے کی کوشش کر رہا ہے۔

ترجمان کے مطابق عالمی برادری بھارت کے جھوٹے پروپیگنڈے سے گمراہ نہیں ہو سکتی، بھارت مقبوضہ کشمیر میں انسانی حقوق کی خلاف ورزیاں جاری رکھے ہوئے ہے۔دفتر خارجہ کاکہنا ہےکہ کشمیریوں کو حق خودارادیت سے محروم رکھنا اقوام متحدہ قراردادوں کی خلاف ورزی ہے، بھارت اشتعال انگیز بیانات اور جارحانہ اقدامات سے خطے کا امن متاثر کر رہا ہے۔

ترجمان نے کہا کہ سندھ طاس معاہدہ معطل کرنا بین الاقوامی قوانین کی خلاف ورزی ہے، عالمی برادری بھارت کو اشتعال انگیزی اور منفی پروپیگنڈے سے باز رکھے۔