امریکی صدر کے 13 سے 15 مئی تک چین کا سرکاری دورہ کریں گے،وائٹ ہاؤس

واشنگٹن ڈی سی: ترجمان وائٹ ہاؤس نے امریکی صدر ڈونلڈ ٹرمپ کے دورہ چین کی تاریخ کا اعلان کر دیا۔

ترجمان کے مطابق امریکی صدر ڈونلڈ ٹرمپ بدھ کی شام بیجنگ پہنچیں گے، بیجنگ آمد کے موقع پر صدر ٹرمپ کے اعزاز میں جمعرات کی شام عشائیہ دیا جائے گا۔

ترجمان کامزید کہنا تھا کہ امریکہ اور چین مشترکہ تجارتی اور سرمایہ کاری بورڈ پر کام کریں گے، چین، امریکہ ایرو سپیس، زراعت اور توانائی کے شعبوں پر بھی بات چیت ہوگی۔

دوسری جانب چینی وزارت خارجہ کے ترجمان نے تصدیق کرتے ہوئے کہا ہے کہ یہ دورہ صدر شی جن پنگ کی دعوت پر ہو رہا ہے۔ اس ملاقات میں ایران کی صورتحال، تجارتی کشیدگی، تائیوان اور دیگر عالمی معاملات پر بات چیت متوقع ہے۔

خیال رہے کہ اس سے قبل امریکی صدر کا دورہ شیڈول تھا مگر ایران کے ساتھ جنگ اور بڑھتی ہوئی کشیدگی کے پیشِ نظر ڈونلڈ ٹرمپ کا یہ دورہ منسوخ ہو گیا تھا،تاہم اب وائٹ ہاؤس کی جانب سے دوبارہ بیجنگ کے دورے کا اعلان کیا گیا ہے۔

اس حوالے ماہرین کا کہنا ہے کہ ایران کے ساتھ جاری کشیدگی اوربحران کے پیشِ نظر امریکی صدر کا یہ دورہ نہایت اہمیت کا حامل ہو گا۔واضح رہے کہ اس سے قبل ٹرمپ نے 2017 میں اپنی پہلی صدرات میں چین کا دورہ کیا تھا۔