لبنان میں اسرائیل اور حزب اللہ کے درمیان جنگ بندی پر اتفاق ہو گیا

تل ابیب:اسرائیل اور حزب اللہ کے درمیان لبنان میں جنگ بندی پر اتفاق ہو گیا ہے، جو مقامی وقت کے مطابق شام 4 بجے سے نافذ العمل ہو چکی ہے۔

اسرائیلی میڈیا کے مطابق یہ معاہدہ امریکا اور قطر کی ثالثی سے طے پایا جس میں امریکا نے اسرائیل سے جبکہ قطر نے ایران سے بات چیت کی۔

ایک اسرائیلی ذریعے نے عبرانی میڈیا کو تصدیق کی کہ جنگ بندی نافذ ہو چکی ہے، تاہم اس کے ساتھ یہ بھی کہا گیا کہ اسرائیلی فوج جنوبی لبنان کے بفر زون میں موجود رہے گی۔

دوسری جانب اسرائیل نے خبردار کیا ہے کہ اگر حزب اللہ کی جانب سے دوبارہ حملے ہوئے تو وہ فوری اور سخت ردعمل دے گا۔

خیال رہے کہ ایران اور امریکہ مابین ہونے والے مفاہمتی یاداشت اور جنگ بندی میں لبنان بھی شامل تھا تاہم پہلے اسرائیل نے حزب اللہ کے ساتھ جنگ بندی کرنے سے انکار کر دیا تھا۔