ایک روز کی ریکارڈسستا ہونے کے بعد سونے کی قیمتوں میں معمولی کمی

کراچی: گزشتہ روز عالمی و مقامی مارکیٹ ریکارڈ کمی ہونے کے بعد سونے کی قیمتوں میں آج معمولی کمی ریکارڈ کی گئی ہے۔

آل پاکستان جیمز اینڈ جیولرز ایسوسی ایشن کے مطابق آج ہفتے کے روزمقامی صرافہ مارکیٹوں میں 24 قیراط فی تولہ سونا 43 روپے کم ہوکر4 لاکھ 37 ہزار 993 روپے کا ہو گیا۔

ایسوسی ایشن کے مطابق اسی طرح دس گرام سونے کی قیمت 39 روپے گر کر 3 لاکھ 74 لاکھ 166 روپے ہوگئی ہے۔

علاوہ ازاں فی تولہ چاندی کی قیمت 16 روپے بڑھ کر 6 ہزار 972 روپے ہوگئی ہے۔

 دوسری جانب عالمی بلین مارکیٹ میں 43 سینٹ سستا ہوکر فی اونس سونا 4 ہزار 144 ڈالر 57 سینٹ پر آ گیا ہے۔

خیال رہے کہ گزشتہ روز سونے کی قیمت میں ریکارڈ 14 ہزار 900 روپے کمی ہوئی تھی جس کے بعد فی تولہ سونا 4 لاکھ 38 ہزار 36 روپے پر آ گیا تھا۔