دوسرا ٹیسٹ: ویسٹ انڈیز 117 رنز پر ڈھیر، پاکستان کی جانب سے 75 رنز کے ہدف کا تعاقب جاری

پورٹ آف اسپین: ویسٹ انڈیز ٹیم دوسرے ٹیسٹ کے چوتھے دن پاکستان کے خلاف دوسری اننگز میں 117رنز  بناکر آؤٹ ہوگئی اور پاکستان کو 75 رنز کا ہدف دیا۔ 

پاکستان نے دوسرے ٹیسٹ کے چوتھے دن شاندار باؤلنگ کا مظاہرہ کرتے ہوئے ویسٹ انڈیز کو دوسری اننگز میں 117 رنز پر ڈھیر کر دیا، جس میں اسپنرز ساجد خان اور علی عثمان نے 4، 4 وکٹیں حاصل کیں۔

ویسٹ انڈیز نے چوتھے روز اپنی دوسری اننگز 103 رنز 6 کھلاڑی آؤٹ سے دوبارہ شروع کی تاہم باقی تین وکٹیں صرف 14 رنز کے اضافے پر گر گئیں جبکہ زخمی اوپنر برانڈن کنگ کمر کی تکلیف کے باعث بیٹنگ کے لیے میدان میں نہ آسکے۔

ویسٹ انڈیز نے ٹیم پاکستان کو 75 رنز کا ہدف دیا ہے اور پاکستان ٹیم اس وقت 2 وکٹوں کے نقصان پر 40 رنز بناچکی ہے۔