ماسٹرز ہاکی ورلڈکپ: پاکستان ویٹرنز ٹیم پہلا میچ ہار گئی

ویب ڈیسک: ماسٹرز ہاکی ورلڈکپ میں پاکستان ویٹرنز ٹیم کو پہلے میچ میں ہی شکست کا سامنا کرنا پڑگیا۔ 60 سال سے زائد کی ایج کیٹیگری میچ میں نیدر لینڈز نے پاکستان کو 10 گول سے ہرادیا۔

سابق ہاکی اولمپیئنز پر مشتمل پاکستان کی ٹیم کوئی گول نہ کرسکی، پاکستانی ٹیم میں اولمپیئن شہباز سینئر، طارق شیخ ، خالد حمید اور دیگر شامل ہیں۔

اس کے علاوہ گروپ ڈی میں پاکستان کے ساتھ نیدرلینڈز، ویلز اور آئرلینڈ کی ٹیمیں شامل ہیں۔

پاکستان اپنا دوسرا میچ 9 اگست کو آئرلینڈ اور 11 اگست کو ویلز کے خلاف کھیلے گی۔