79واں جشنِ آزادی: پنجاب پولیس کا امن و سلامتی کے عزم کا اعادہ

لاہور: پنجاب پولیس نے 79ویں یومِ آزادی کے موقع پر پوری قوم کو مبارکباد پیش کرتے ہوئے ملک میں امن و سلامتی کے قیام، شہریوں کے تحفظ اور وطنِ عزیز کی حفاظت کے لیے اپنے عزم کا اعادہ کیا ہے۔

پنجاب پولیس کی جانب سے جاری پیغام میں کہا گیا ہے کہ امنِ عامہ کے قیام، شہریوں کے جان و مال کے تحفظ اور پاکستان کی سلامتی کے لیے ہر ممکن اقدامات کا سلسلہ جاری رکھا جائے گا۔ پولیس اہلکار صرف شہریوں کے محافظ ہی نہیں بلکہ ملک کے روشن مستقبل، آزادی، استحکام اور خوشحالی کے بھی نگہبان ہیں۔

پنجاب پولیس نے اس عزم کا اظہار کیا کہ جب تک اہلکاروں کے سینوں میں سانس باقی ہے، وہ پاکستان کے امن، استحکام اور شہریوں کے تحفظ کے لیے اپنی ذمہ داریاں پوری دیانت، فرض شناسی اور جذبے کے ساتھ ادا کرتے رہیں گے۔

یومِ آزادی کے موقع پر پنجاب پولیس نے وطنِ عزیز کی ترقی، خوشحالی اور پائیدار امن کے لیے اپنے فرائض مزید جذبے اور عزم کے ساتھ انجام دینے کے عزم کا بھی اظہار کیا۔

پنجاب پولیس نے قوم کو پیغام دیا کہ پاکستان ہماری پہچان، ہمارا فخر اور ہم سب کی مشترکہ ذمہ داری ہے۔