ملتان میں یومِ دفاع و شہداء کی پروقار تقریب کا انعقاد

ملتان: یومِ دفاع و شہداء کے موقع پر ملتان میں ایک پروقار تقریب کا انعقاد کیا گیا، جس میں شہداء کی لازوال قربانیوں کو خراجِ عقیدت پیش کیا گیا۔

تقریب کے دوران پاک فوج کے چاق و چوبند دستے نے یادگارِ شہداء پر سلامی پیش کی، جبکہ کمانڈر سدرن کمانڈ نے یادگار پر پھول رکھے اور فاتحہ خوانی کی۔

تقریب میں اعلیٰ فوجی افسران، سول انتظامیہ کے نمائندگان، فوجی جوانوں اور دیگر حکام نے بھرپور شرکت کی۔

اس موقع پر ملک و قوم کے لیے جانوں کا نذرانہ پیش کرنے والے شہداء کی عظیم قربانیوں کو خراجِ عقیدت پیش کیا گیا اور ان کے اہلِ خانہ سے اظہارِ یکجہتی کیا گیا۔