بہاولپور: یومِ دفاع و شہداء کی موقع پر پروقار تقریب منعقد کی گئی

بہاولپور: یومِ دفاع و شہداء کے موقع پر بہاولپور میں یادگارِ شہداء پر ایک پروقار تقریب کا انعقاد کیا گیا، جس میں شہداء کی عظیم قربانیوں کو خراجِ عقیدت پیش کیا گیا۔

تقریب کے دوران پاک فوج کے چاق و چوبند دستے نے یادگارِ شہداء پر سلامی پیش کی، جبکہ اعلیٰ فوجی افسران نے یادگار پر پھول رکھے۔

اس موقع پر شہداء کے درجات کی بلندی اور ملک و قوم کی سلامتی کے لیے خصوصی دعا بھی کی گئی۔

تقریب میں اعلیٰ فوجی افسران، سول انتظامیہ کے نمائندگان، فوجی جوانوں اور شہریوں سمیت مختلف شعبہ ہائے زندگی سے تعلق رکھنے والے افراد نے بھرپور شرکت کی۔