وزیر داخلہ شیخ رشید سےچینی سفیر نونگ رونگ کی ملاقات

تفصیلات کے مطابق وزیر داخلہ نے چینی سفیر کے ساتھ ملاقات میں داسو ہائیڈروپاور بس حادثے سے متعلق جاری تحقیقات پربات چیت کی اور دونوں تحقیقات کو جلدسے جلد  مکمل کرنے پر اتفاق کیا ہے

شیخ رشید نے کہا ہے کہ پاکستان میں کام کرنیوالی چینی کمپنیوں اورشہریوں کی سکیورٹی فول پروف بنائیں گے،پاکستان چائنہ اکنامک کوریڈورمنصوبہ کسی بیرونی سازش کا شکار نہیں ہونے دینگے ،پاکستان اور چین کے درمیان تعلقات میں کوئی طاقت رکاوٹ نہیں بن سکتی ۔

چینی سفیر کا کہنا ہے کہ پاکستان میں بہت سی چینی کمپنیاں مختلف منصوبوں پر کام کررہی ہیں،چینی شہریوں کوسہولیات پروزارت داخلہ کا مشکور ہوں ۔