صدر عارف علوی کو وزیر سائنس ٹیکنالوجی کی الیکٹرانک ووٹنگ مشین پر بریفنگ

تفصیلات کے مطابق وفاقی وزیرشبلی فراز نے بتایا ہے کہ الیکٹرانک ووٹنگ مشین مکمل طور پر مقامی سطح پر تیار ہوئی ہے،الیکٹرانک ووٹنگ مشین مؤثر ، قابل اعتماد  اور دوبارہ  استعمال کی جاسکتی ہے ۔

انہوں نے کہا ہے کہ وزارت سائنس و ٹیکنالوجی نے   الیکٹرانک ووٹنگ مشین قلیل مدت میں تیار کی ہے جبکہ شبلی فراز نے ووٹنگ مشین کی تیاری میں ذاتی دلچسپی ، حوصلہ افزائی پر صدر کا شکریہ بھی ادا کیا ہے ۔

صدر عارف علوی نے شبلی فراز اور وزارت سائنس و ٹیکنالوجی کو ووٹنگ مشین  کی تیاری پر مبارکباد ہے۔

صدر مملکت نے کہا کہ الیکٹرانک ووٹنگ مشین سے انتخابی عمل میں شفافیت آئے گی اور ووٹنگ مشین سے انتخابات میں دھاندلی کے سدباب میں مدد ملے گی،

صدر عارف علوی  نے کہا ہے کہ الیکٹرانک ووٹنگ مشین سے انتخابات کے نتائج بروقت موصول  ہوں گے اورالیکٹرانک ووٹنگ مشین سے ووٹر کی رازداری بھی متاثر نہیں ہوگی ۔