امریکہ ، ترکی اور یونان کے جنگلات میں لگی آگ پر تاحال قابو نہ پایا جا سکا

تفصیلات  کے مطابق  امریکی ریاست کیلیفورنیا کے جنگلات میں بھڑکنے والی  آگ تاحال بےقابوہے۔خوفناک آگ  نےجنگل کا   4 لاکھ 47ایکڑ حصہ راکھ بنادیاہے،صرف اکیس فیصد آگ پر قابو پایاجاسکاہے۔آگ بجھانے کی کوششیں جاری ہیں،متعدد افراد لاپتہ ہیں۔

پیرو  کے جنگلات میں خوفناک آگ بھڑک اٹھی ہے۔فائرفائٹرز آگ بجھانے میں مصروف ہیں۔بولیویا کے جنگلات میں بھی آگ  لگ گئی۔ہزاروں ایکڑجنگلات راکھ میں تبدیل ہونے کا خدشہ ہے۔

اسپین کے خودمختارعلاقے ویلینشین  کے جنگلات بھی آگ کی لپیٹ میں آگئے۔طیاروں اور ہیلی کاپٹرز کی مدد سے آگ پرقابو پانے کی کوششیں جاری ہیں۔ترکی  کے جنگلات میں 12روز گزرنے کے باوجود آگ بھڑک رہی ہے۔یونان کے جنگلات میں لگی آگ بھی تاحال قابو میں نہیں آسکی ہے۔