گوجرانوالہ وین حادثہ : اوگرا ٹیم نے ابتدائی تحقیقاتی رپورٹ اعلی حکام کو پہنچا دی

تفصیلات کے مطابق  گذشتہ رات اوگرا کی ٹیم نے حادثے کی جگہ کا معائنہ کیا گیا۔اوگرا کی جانب سے ابتدائی رپورٹ میں کہا گیا ہے کہ  متاثرہ گاڑی پیچھے سے ہٹ ہوئی تھی جو حادثے کی وجہ بنی، مسافر وین میں 2 سلنڈر نصب تھے جو حادثے کے باعث اپنی جگہ سے اکھڑ گئے،ایک سلنڈر کا پائپ ٹوٹ گیا جبکہ دوسرے کا وال سلنڈر سے علیحدہ ہوگیا۔

ذرائع کے مطابق  گیس وافر مقدار میں لیک ہوئی اور آگ لگنے سے گاڑی میں موجود مسافر جھلس گئے، گاڑی کے سی این جی سلنڈرز میں ایل پی جی پھروائی گئی تھی،ایل پی جی کے باعث مسافر جل کر کوئلہ بن گئے، سلنڈروں میں سی این جی ہوتی تو کسی صورت اتنا نقصان نہ ہوتا۔

ذرائع کا کہنا ہے کہ ا وگرا ٹیم نے ابتدائی تحقیقاتی رپورٹ اعلی حکام کو پہنچا دی ہیں ، پورے ملک میں اوگرا کی جانب سے مسافر گاڑیوں میں ایل پی جی کے استعمال پر مکمل پابندی عائد ہے۔