وزیراعظم آج کراچی کا دورہ کریں گے

تفصیلات کے مطابق وزیراعظم عمران خان آج کراچی کا دورہ کریں گے، اس دوران وہ اہم اجلاس کی صدارت اور ملاقاتیں کریں گے۔ وزیراعظم عمران خان کراچی ٹرانسفارمیشن پلان سے متعلق اجلاس کی صدارت اور گورنر ہاؤس میں اہم ملاقاتیں بھی کریں گے۔اعظم خان سواتی کراچی سرکلرریلوےپربریفنگ دیں گے جبکہ وزیراعظم، وفاقی منصوبوں کا جائزہ اوراہم ہدایت جاری کریں گے۔وزیراعظم کے پی ٹی سے براہ راست حب چوکی کا دورہ کریں گے۔ 

گزشتہ روز وزیراعظم عمران خان نے لاہور میں میاواکی اربن فاریسٹ کا افتتاح کرتے ہوئے کہا تھا کہ گلوبل وارمنگ روکنے میں پاکستان اہم ترین کردار ادا کررہا ہے، لاہور میں دنیا کا سب سے بڑا میاواکی جنگل اُگایا گیا ہے، پاکستان کی 60 سالہ تاریخ میں 64 کروڑ درخت اگائے گئے۔ وزیراعظم نے مزید کہا کہ اگر پاکستانیوں کو اپنے بچوں کے مستقل کی فکر ہے تو انہیں کم از کم ایک درخت لگانا چاہئے اور پھر اس کی پرورش بھی کرنی چاہئے ۔ نوجوان ،طلبہ سب کو اس ملک کے مستقبل کے لئے پوری کوشش کرنی چاہئے ۔