طالبان کا بڑا اعلان

طالبان ترجمان ذبیح اللہ مجاہد کی جانب سے جاری بیان میں کہا گیا ہے کہ کابل اور دیگر صوبوں کے تمام عہدیداران کو ہدایت کی گئی ہے کہ ہوائی فائرنگ کرنے والوں کو فوری گرفتار کریں اور انہیں غیر مسلح کریں۔

پنجشیر حاصل کرنے کی خوشی میں طالبان کی ہوائی فائرنگ میں ہلاکتوں کی متضاد اطلاعات

ذبیح اللہ مجاہد کا کہنا ہے کہ عہدیداران کو ہدایت کی گئی ہے کہ فائرنگ کرنے والے افراد کو شہروں سے بھی باہر نکالیں۔

انہوں نے کہا کہ فائرنگ کرنے والے افراد کی شناخت اور سزا کے لیے پولیس سربراہان اور انٹیلی جنس حکام کو ہدایت جاری کی گئی ہیں۔

خیال رہے کہ وادی پنجشیر پر طالبان کے قبضے کے بعد کابل اور دیگر شہروں میں خوشی میں ہونے والی ہوائی فائرنگ میں ہلاکتوں کی متضاد اطلاعات سامنے آئی تھیں۔