ٹی 20ورلڈکپ کے لیے بھارتی سکواڈ کا اعلان

تفصیلات کے مطابق بھارتی کرکٹ بورڈ نے میگا ایونٹ کے لیے ویرات کوہلی پر بھرپور اعتماد کا اظہار کرتے ہوئے انہیں ٹیم کی قیادت ‏سونپی ہے جب کہ روہت شرمان نائب کپتان ہوں گے۔

ٹیم میں لوکیش راہول، سوریاکماریادیو، ریشبھ پنٹ، ایشان کشن، ہاردیک پانڈیا، رویندراجڈیجا، اکشرپٹیل، راہول ‏چاہار،ایشون اور ورون چکرورتی شامل ہیں۔

فاسٹ بولرز میں جسپریت بمراہ، بھوانیشورکمار اور محمد شامی جگہ بنانے میں کامیاب ہوئے ہیں۔

‏2011ورلڈکپ ٹیم کے فاتح مہندرا سنگھ دھونی کو ٹیم کا حوصلہ بڑھانے کے لیے مینٹور مقرر کیا گیا ہے۔

خیال رہے کہ اسپن کے شعبے پر خاص توجہ دی گئی ہے اور ایونٹ متحدہ عرب امارات میں ہونے کے پیش نظر پانچ اسپنرز کو اسکواڈ میں شامل کیا گیا ہے۔