پاکستانی سفیر سعودی عرب میں موجود پاکستانیوں کے مسائل حل کرنے کیلئے کوشاں

ریاض : سفیر پاکستان بلال اکبر سعودی عرب میں موجود پاکستانیوں کے مسائل حل کرنے کیلئے کوشاں ہیں، اس سلسلے میں ان کی سعودی حکام سے ملاقاتیں جاری ہیں۔

تفصیلات کے مطابق سعودی عرب کے دارلحکومت ریاض پاکستانی سفارت خانے کی جانب سے بیان میں کہا گیا ہے کہ سفیر پاکستان بلال اکبر کی شہزادہ عبدالعزیزبن سعد سے ملاقات ہوئی ، ملاقات میں پاک سعودی دوستانہ تعلقات،باہمی دلچسپی کےامورپرتبادلہ خیال کیا گیا۔

سفیرپاکستان مملکت میں موجودپاکستانیوں کے مسائل حل کرنے کیلئے کوشاں ہیں۔ گذشتہ روز پاکستانی سفیربلال اکبرکی سعودی ڈی جی پاسپورٹ سےملاقات ہوئی تھی ، جس میں پاکستانی کمیونٹی کو درپیش مسائل پر تفصیلی تبادلہ خیال کیا گیا۔

ملاقات میں ایکسپائراقاموں، پاسپورٹ اور ایگزٹ ری انٹری سمیت دیگرمسائل پربات چیت ہوئی تھی ، جس پر ڈی جی پاسپورٹ نے قوانین کے تحت تمام معاملات کو جلد حل کرنے کی یقین دہانی کرائی تھی۔