وسطی امریکی ملک نکاراگوا میں زلزلے کے شدید جھٹکے 

تفصیلات کے مطابق امریکی  خبرایجنسی کاکہنا ہے کہ وسطی امریکی ملک نکاراگوا  میں زلزلے کے شدید جھٹکے محسوس کیے گئے ہیں ، زلزلہ نکاراگوا کے ساحل کے قریب آیا ، ریکٹر اسکیل پر زلزلے کی شدت   6 اعشاریہ 5   جبکہ گہرائی 40 کلومیٹر ریکارڈ  کی گئی ۔ 

اس سے قبل آج صبح آسٹریلیا کے شہر میلبورن کے قریب 6.0 شدت کا زلزلہ آیا ،جو کہ  ملک کی تاریخ  میں آنے والے سب سے بڑے زلزلے میں سے ایک  شمار کیا جارہا ہے ، اس زلزلے سے  دوسرے بڑے شہر کی عمارتوں کو نقصان پہنچا اور پڑوسی ریاستوں میں زلزلے کے جھٹکے بھی محسوس کیے گئے ۔ 

زلزلے کا مرکز میلبورن سے 200 کلومیٹر (124 میل) شمال مشرق میں ریاست وکٹوریہ کے دیہی قصبے مانس فیلڈ کے قریب تھا اور 10 کلومیٹر (چھ میل) کی گہرائی میں تھا۔ ایک آفٹر شاک کی درجہ بندی 4.0 تھی۔