سام سنگ پاکستان  میں ٹی وی لائن اپ پلانٹ قائم کرے گا

تفصیلات کے مطابق سماجی رابطے کی ویب سائٹ ٹوئٹرپرپیغام میں مشیر تجارت عبدالرزاق داؤد نے کہاکہ   یہ پلانٹ 2021 کی چوتھی سہ ماہی میں فعال ہو جائے گا، اس پلانٹ کے فعال ہونے کے بعد 50 ہزار یونٹ کی سالانہ پیداوار ہوگی۔وزارت تجارت کی صنعتوں کو فروغ دینے کیلئے میک ان پاکستان پالیسی کی بدولت یہ ممکن ہوا ہے۔ مشیر تجارت  کا مزید کہنا تھا کہ  حکومت نے ان پٹ اخراجات، صنعتی شعبے کی ریشنلائزیشن اور دیگر مراعات دی ہیں۔

This is a vindication of MOC’s "Make-in-Pakistan" policy for industrialisation via rationalisation of input costs and other incentives.@Samsung @SamsungPakistan @mincompk @aliya_hamza #Pakistan #PakistanMovingForward #ManufacturingIndustry

— Abdul Razak Dawood (@razak_dawood) September 22, 2021

یاد رہے کہ رواں برس  جولائی میں جنوبی کوریا کی اسمارٹ فون بنانے والی کمپنی سام سنگ  نے لکی موٹر کارپوریشن کے ساتھ پاکستان میں اسمارٹ  فونز کی تیاری  کیلئے معاہدہ کیا تھا۔

جون 2020 میں سام سنگ کا پاکستان میں اسمارٹ فونز تیاری کا فیصلہ حکومت کی جانب سے شروع کی گئی موبائل ڈیوائس مینوفیکچرنگ پالیسی (MDMP) کی کامیابی کا اشارہ تھا۔پالیسی  وژن کے مطابق  2022 تک پاکستان میں فروخت ہونے والے تمام موبائل فونز 80 فیصد مقامی طور پر تیار کیے جانے چاہئیے ۔ 

گزشتہ برس  اگست میں  وزیر اعظم عمران خان نے اعلان کیا تھا کہ حکومت ملک میں برآمد پر مبنی صنعتی کاری کو فروغ دینے کے لیے میک ان پاکستان پالیسی پر بھرپور طریقے سے عمل پیرا ہے۔