پختونخواہ میں طلبہ کے ریکارڈ نمبرز لینے کی تحقیقات کا فیصلہ

پشاور : خیبر پختونخواہ حکومت نے تعلیمی بورڈز کے نتائج میں طلبہ کے ریکارڈ توڑ نمبرز لینے کی تحقیقات کا فیصلہ کیا ہے ۔ 

خیبر پختون خواہ کے تعلیمی بورڈر نے میٹرک اور انٹر کے نتائج کا اعلان کیا جس میں طلبہ کو 1100  میں سے 1100 نمبرز بھی دیے گئے ۔ نجی تلعیم اداروں کو اے پلس گریڈز جبکہ سرکاری سکولوں اور کالجوں کو 1100 میں سے چار سو یا پانچ سو کے درمیان نمبرز ملے ہیں ۔ 

صوبائی حکومت نے معاملے کی تحقیقات کے لیے 8 رکنی انکوائری کمیٹی قائم کردی ہے ۔ 

صوبائی محکمہ تعلیم کا کہنا ہے کہ 1100 میں سے 1090 سے زیادہ نمبرز لینے والے طلبہ کے پیپیر ری چیک ہوں گے ، ان کا موجودہ اور پچھلا ریکارڈ بھی چیک کیا جائیگا۔