پنجاب میں ڈینگی سر اُٹھانے لگا، 24 گھنٹوں میں 131 مریض رپورٹ

تفصیلات کے مطابق  کورونا کے بعد ڈینگی کے مریضوں کی تعداد بڑھنے کا بھی خدشہ ، صوبے بھر  کے ہسپتالوں میں ڈینگی کے 58 مریض داخل ہیں  ۔ سیکرٹری عمران سکندر بلوچ کاکہنا ہے کہ  اسلام آباد میں ایک شخص کا ڈینگی سے انتقال ہوچکا ہے جبکہ مریضوں کی تعداد چورانوے ہوگئی۔ رواں سال پنجاب بھر سے اب تک ڈینگی کے 828 کنفرم کیسز سامنے آئے ہیں۔ وزیر صحت یاسمین راشد نے کہا کہ ڈینگی کے اب تک 700 سے زائد مریض سامنے آچکے ہیں  اور لاہور میں سب سے زیادہ ڈینگی کیسز رپورٹ ہوئے ہیں۔

سیکرٹری عمران سکندر بلوچ کے مطابق لاہور کے فاطمہ میموریل  اور میو ہسپتال میں 7 سات، سروسز ہسپتال میں 4 جبکہ گنگارام ہسپتال اور ڈاکٹرز ہسپتال میں ڈینگی کے 3 تین مریض داخل ہیں۔ جنرل ہسپتال میں 2 جبکہ چلڈرن ہسپتال، ایور کئیر، فاروق ہسپتال، گلاب دیوی اور لائف لائن ہسپتال میں ڈینگی کا 1 ایک مریض داخل ہے۔ 

راولپنڈی کے ہولی فیملی ہسپتال میں 65، بینظیر بھٹو ہسپتال میں 22 جبکہ ڈی ایچ کیو ہسپتال  میں 3 ،  پمز میں ڈینگی کے مریضوں کی مجموعی تعداد 5 ہو گئی۔  واپڈا ہسپتال راولپنڈی میں ڈینگی کا  ایک مریض داخل ، ڈینگی کا 1 مریض نشتر ہسپتال ملتان اور 1 مریض الائیڈ ہسپتال فیصل آباد میں بھی داخل ہے۔ 

خیال رہے کہ پاکستان میں ڈینگی کا پہلا کیس 1994 ء میں کراچی میں سامنے آیا لیکن بڑے پیمانے پر ڈینگی بخار 2010ء اور 2011ء میں نمودار ہوا۔ ایک محدود اندازے کے مطابق 2011ء میں 370 کے قریب  مریض جان سے ہاتھ دھو بیٹھے جبکہ 15ہزار افراد اس سے متاثر ہوئے ۔