وزیراعظم کی سعودی قیادت کو قومی دن کی مبارکباد

اسلام آباد: وزیر اعظم عمران خان نے سعودی عرب کے 91ویں قومی دن کے موقعے پر خادمِ حرمین الشریفین ، شاہ سلمان بن عبدالعزیز اور سعودی ولی عہد محمد بن سلمان کو مبارکباد پیش کی ہے۔

تفصیلات کے مطابق وزیرِ اعظم پاکستان عمران خان نے  سعودی عرب کے قومی دن پر  تہنیتی پیغام میں کہا کہ دعا ہے کہ دور اندیش قیادت کے زیرِ سایہ سعودی عرب میں ترقی کا سفر جاری رہے۔ وزیراعظم نے کہا  کہ پاکستانی حکومت اور عوام کی طرف سے سعودی عرب کو91 ویں قومی دن پرمبارک باد پیش کرتا ہوں۔ انہوں نے کہا کہ خادم الحرمین الشریفین شاہ سلمان، ولی عہد محمد بن سلمان اور سعودی عوام کو قومی دن مبارک ہو۔

مملکت کے91ویں قومی دن کےموقع پر میں اپنی حکومت اورعوامِ پاکستان کیجانب سےخادم الحرمین الشریفین عزت مآب جناب شاہ سلمان بن عبدالعزیز،ولی عہدعالی جناب محمدبن سلمان اورسعودی عرب کےبرادرعوام کومبارکباد پیش کرتاہوں۔ہماری دعاہےکہ دوراندیش قیادت کےزیرِسایہ ترقی کاانکایہ سفرپیہم جاری رہے۔

— Imran Khan (@ImranKhanPTI) September 23, 2021

واضح رہے کہ سعودی عرب میں آج91 واں یوم الوطنی یعنی قومی دن منایا جارہا ہے ۔ سرکاری خبررساں ایجنسی ایس پی اے کے مطابق مملکت میں قومی دن پر سرکاری اور نجی اداروں کے ملازمین کو تعطیل ہوگی تاکہ قومی دن اپنے اہل و اعیال کے ساتھ منا سکیں ۔ رواں سال سرکاری اور غیر سرکاری ملازمین جمعہ اور ہفتہ کی چھٹی کی وجہ سے تین چھٹیاں مناسکیں گے ۔