کراچی : شہر کےمختلف علاقوں میں پھر سے بارش شروع ہوگئی

تفصیلات کے مطابق کراچی  کے مختلف علاقوں میں پھر سے بارش شروع ہوگئی ، کارساز ، ایئر پورٹ ، نیپا چورنگی پر پھر بارش شروع ہوگئی ہے،  بارش کے باعث شہر میں 77 فیڈر بند ہیں،   19 فیڈر ٹرپ ، دیگر کو حفاظتی اقدامات کے پیش نظر بند کیا گیا۔

 شہر میں بارش کے باعث مختلف مقامات پر ٹریفک کا دباو بڑھ گیا ہے،  مختلف مقامات پر پانی کی وجہ سے ٹریفک جام اور سڑکوں پر دباو ہے،  ٹریفک پولیس ٹریفک کی روانگی بہتر بنانے کی کوشش کر رہی ہے۔

لیاقت آباد سے تین ہٹی، جہانگیر روڈ، گورومندر، پٹیل پاڑہ پر ٹریفک جام ہے،شارع فیصل، پی آئی بی، ریگل چوک، شہید ملت روف پر بھی ٹریفک کا دباو ہے، کلب روڈ اوراعوان صدر پر بھی ٹریفک جام ہے۔ بورڈ آفس ، ناگن چورنگی ، شادمان کے اطراف بدترین ٹریفک جام ہے۔

دوسری جانب  بارش سے  کے ڈی اے چورنگی کی مرکزی شاہراہ دھنس گئی ،  کراچی یونیوسٹی کی بس سڑک کے گڑھوں میں پھنس گئی ہے۔