سریاب روڈ پر  بلوچستان یونیورسٹی کے قریب دھماکہ

تفصیلا ت کے مطابق سریاب روڈ پر بلوچستان یونیورسٹی کے گیٹ کے قریب دھماکا ہوا ہے،  پولیس ذرائع کے مطابق  دھماکا خیز مواد موٹرسائیکل میں نصب کیا گیا تھا۔ سکیورٹی فورسز نے علاقے کو گھیرے میں لے لیا۔ ریسکیو ٹیمیں بھی موقع پر پہنچ گئیں۔

پولیس کا کہنا ہے کہ دھماکہ اس وقت ہوا جب پولیس کی ڈیوٹی شفٹ تبدیل کی جارہی تھی،  پولیس وین کو نشانہ بنایا گیا۔

وزیر داخلہ بلوچستان ضیا لانگو کا کہنا ہے کہ   پولیس طلبا کی سیکورٹی کیلئے تعینات کی جارہی تھی دھماکہ ہوا،  دھماکے کا ہدف پولیس کی گاڑی تھی ،  واقعہ دہشت گردی ہے ۔

ہسپتال ذرائع کا کہنا ہے کہ  دھماکے میں 17 زخمی افراد کو سول ہسپتال منتقل کردیا گیا، زخمیوں میں 13 پولیس اہلکار بھی شامل ہیں ، اب تک ایک شہید اہلکار کو سول ہسپتال منتقل کیا جاچکا ہے۔