گوگل صارفین کے لئے بڑی خوشخبری

تفصیلات کے مطابق دنیا بھر میں بڑے پیمانے پر استعمال کیا جانے والا سرچ انجن گوگل جو کہ اپنے صارین کو بہت سی سہولیات بھی فراہم کرتا ہے،گوگل اپنے صارفین کو بہتر سہولیات فراہم کرنے کے لئے وقتا فوقتا اپنی سروسز میں نئی تبدیلیاں کرتا رہتا ہے۔

جی میل اور گوگل کی دیگر مصنوعات کی سیکیورٹی کو فول پروف بنانے کے لیے تیار کی گئیں ٹو فیکٹر آتھینٹی کیشن فراہم کرنے والی یہ سیکیورٹی (Keys) انسانی حقوق کے لیے کام کرنے والے وہ افراد یا سیاست دانوں کو فراہم کی جائے گی جن کے اکاؤنٹس ہیک ہونے کا خدشہ ہے۔

گوگل کے تھریٹ اینالسسز گروپ کے ڈائریکٹر سین ہنٹلے کا کہنا ہے کہ یہ وارننگ گزشتہ ماہ دنیا بھر میں مختلف شعبہ ہائے زندگی سے تعلق رکھنے والے جی میل کے تقریبا 14 ہزار استعمال کنندگان کے اکاؤنٹس کو نشانہ بنانے والی ایک مہم کی شناخت کے بعد جاری کی گئی ہے۔