سونے کی قیمت میں 4200 کا اضافہ

سندھ صرافہ بازار ایسوسی ایشن کے مطابق سونے کی قیمت میں 42 سو روپے کا اضافہ ہوا ہے۔  42 سو روپے کے اضافے سے فی تولہ سونا 1لاکھ 32 ہزار  روپے پر پہنچ گیا ہے۔ 10 گرام سونے کی قیمت 3600 روپے کے اضافے سے 1لاکھ 13 ہزار 168 روپے ہوگئی۔

عالمی مارکیٹ میں فی اونس سونا 2 ڈالر کے اضافے سے 1804 ڈالر کی سطح پر آگیا۔

گزشتہ روز  ملک بھر میں سونے کی فی تولہ قیمت 600 روپے اضافے کے بعد 1 لاکھ 27 ہزار 800 روپے ہوگئی تھی جبکہ 10 گرام سونے کی قیمت 515 روپے اضافے کے بعد 1 لاکھ 9 ہزار 568 روپے ہوگئی تھی۔

دوسری جانب  ڈالر ایک بار پھر تگڑا ہوگیا اور روپیہ تاریخ کی کم ترین سطح تک گرگیا ،   ایک دن میں انٹر بینک میں ڈالر  چوراسی پیسے مزید مہنگا ہوگیا۔انٹر بینک میں ڈالر 174.43 سے بڑھ کر نئی بلند ترین سطح 175.27روپے پر بند ہوا ہے۔