لیفٹیننٹ جنرل ندیم انجم ڈی جی آئی ایس آئی تعینات

تفصیلات کے مطابق لیفٹیننٹ جنرل ندیم انجم کو ڈی جی آئی ایس آئی تعینات کردیا گیا ہے، وزیر اعظم عمران خان نے ڈی جی آئی ایس آئی کی تقرری کی منظوری دی تھی۔وفاقی حکومت نے نوٹیفکیشن جاری کردیا۔

مزید پڑھیں : نئے ڈی جی آئی ایس آئی لیفٹیننٹ جنرل ندیم انجم کون ہیں ؟

خیال رہے کہ  ندیم احسن انجم کمانڈر 5 کور کے عہدے پر فرائض انجام دیتے رہے۔ انہیں نومبر 2020 میں کمانڈر 5 کور تعینات کیا گیا تھا۔ انہیں سنہ 2017 میں آئی جی ایف سی تعینات کیا گیا تھا۔

لیفٹینینٹ جنرل فیض حمید: 

لیفٹیننٹ جنرل فیض حمید 16 جون 2019 کو آئی ایس آئی کا سربراہ مقرر کیا گیا تھا ۔ انہیں اپریل 2019 کو لیفٹیننٹ جنرل کے عہدے پر ترقی ملی تھی اور ڈی جی آئی ایس آئی تعیناتی سے قبل وہ جی ایچ کیو میں ایڈجوٹنٹ جنرل کے عہدے پر فائز تھے۔

لیفٹیننٹ جنرل فیض حمید چکوال سے ہیں اور فوج میں پاس آوٹ ہونے کے بعد بلوچ رجمنٹ کا حصہ بنے۔ اس سے قبل وہ راولپنڈی میں ٹین کور کے چیف آف سٹاف، پنوں عاقل میں جنرل آفیسر کمانڈنگ اور آئی ایس آئی میں ڈی جی کاؤنٹر انٹیلیجنس (سی آئی) سیکشن بھی رہ چکے ہیں۔