سونے کی قیمت میں زبردست کمی

سندھ صرافہ بازار ایسوسی ایشن  کے مطابق فی تولہ سونا 7800 روپے کمی سے 124200 روپے کی سطح پر آگیا ہے، فی 10 گرام سونا6687 کمی سے106481 روپے پر فروخت ہورہا ہے۔عالمی مارکیٹ میں سونا 15 ڈالر کمی سے 1789 ڈالر فی اونس کی سطح پر آگیا۔

پاکستان اسٹاک ایکسچینج میں کاروبار کا اختتام  ہوگیا،  کاروباری ہفتے کے تیسرے روز تیزی کا رجحان رہا ۔ انڈیکس میں اختتام پر 623 پوائنٹس اضافہ ہوا، انڈیکس 45 ہزار 857 پوائنٹس کی سطح پر بند ہوا۔مارکیٹ میں آج نئے ٹریڈنگ سسٹم سے سرمایہ کار پریشان رہے۔ اسٹاک انتظامیہ نے تیکنیکی خرابیوں پر مارکیٹ 2 گھنٹے کے لئے بند کردی تھی ۔ مارکیٹ دوپہر 12 بجے سے 2:05 تک بند رہی ۔ تیکنیکی خرابیوں برقت دور نا ہونے سے مارکیٹ کو مزید آدھا گھنٹا بند کرتے ہوئے 3:35 تک بند رہی ۔