ٹی 20 ورلڈکپ میں  آج دو میچز کھیلے جائیں گے

تفصیلات کے مطابق ورلڈکپ میں آج مزید دو میچ کھیلے جائیں گے ،  پہلا میچ دبئی اسٹیڈیم میں نیوزی لینڈ اور اسکاٹ لینڈ کے درمیان کھیلا جائے گا، میچ پاکستانی وقت کے مطابق سہہ پہر تین بجے شروع ہوگا۔

دوسرا میچ  ابو ظہبی میں شام سات بجے کھیلا جائے گا جہاں  افغانستان اور بھارت کی ٹیمیں مد مقابل ہوں گی ۔  یہ میچ دونوں ٹیموں کے لئے نہایت اہمیت  رکھتا ہے . 

بھارتی ٹیم کو ناصرف اپنے بقیہ تینوں میچز بہترین مارجن سے جیتنے ہوں گے بلکہ نیوزی لینڈ کے خلاف نمیبیا یا اسکاٹ لینڈ کی اپ سیٹ شکست کے لیے بھی کوشش کرنا ہو گی ۔ بھارت کے 3 میچز اسکاٹ لینڈ، افغانستان اور نمیبیا کے خلاف ہیں ، نیوزی لینڈ نے بھی ان ہی 3 ٹیموں سے مقابلہ کرنا ہے، اگر نیوزی لینڈ تینوں میچز جیتا تو بھارت ٹورنامنٹ سے باہر ہوجائے گا ۔

واضح رہے کہ گزشتہ روز ابو ظہبی میں آئی سی سی ٹی ٹوئنٹی عالمی کپ کے ایک میچ میں پاکستان نے نمیبیا کو45 رنز سے ہرا کر سیمی فائنل کیلئے کوالیفائی کر لیا ہے۔