آئی ٹی فری لانسرز نے  نیا ریکارڈ بنا دیا

تفصیلات کے مطابق وفاقی وزیر آئی ٹی امین الحق کا کہنا ہے کہ رواں مالی سال پہلی سہ ماہی آئی ٹی فری لانسرز نے 10 کروڑ 58 لاکھ ڈالرز کمائے ہیں۔ فری لانسرز کی کمائی کا تناسب گذشتہ برس کے مقابلے  21 اعشاریہ 37 فیصد رہا، گزشتہ برس اسی عرصے میں فری لانسرز نے 8 کروڑ 72 لاکھ ڈالرز کمائے تھے۔

 وفاقی وزیر آئی ٹی کا کہنا ہے کہ مجموعی آئی ٹی ایکسپورٹ 63 کروڑ 50 لاکھ ڈالرز میں فری لانسرز کا حصہ 16 اعشاریہ 68 فیصد ہے، آئی ٹی ایکسپورٹ میں نمایاں کارکردگی پر فری لانسرز مبارکباد کے مستحق ہیں، امید ہے جلد ہی فری لانسرز مجموعی آئی ٹی ایکسپورٹ میں اپنا حصہ 16 سے بڑھا کر 50 فیصد پر لے جائیں گے۔