پاکستان کے خلاف سیریز، شکیب الحسن ایونٹ سے باہر 

تفصیلات کے مطابق بنگلادیش کرکٹ بورڈ کا کہنا ہے کہ  آل راؤنڈر شکیب الحسن ہیم اسٹرنگ انجری کا شکار ہوگئے ہیں اور انہیں فٹ ہونے کے لیے تین ہفتے درکار ہیں۔

بنگلہ دیشی  چیف فزیشن کا کہنا ہے کہ شکیب الحسن پاکستان کےخلاف ٹیسٹ سیریز کے لیے دستیاب ہوں گے۔

یاد رہے کہ پاکستان اور بنگلادیش کے درمیان ٹی ٹوئنٹی سیریز کے میچز ,19, 20 اور 22 نومبر کو ہوں گے۔

پاکستان اور بنگلادیش کے درمیان دو ٹیسٹ میچز بھی کھیلے جائیں گے جن میں پہلا میچ 26 نومبر اور دوسرا 4 دسمبر کو ہوگا۔

واضح  رہے کہ اس سے قبل شکیب الحسن انجری کے باعث ٹی ٹوئنٹی ورلڈ کپ سے باہر ہوئے تھے ۔ انہوں نے ایونٹ میں 6 میچز کھیلے 131 رنز بنائے اور 11 وکٹیں حاصل کیں۔