پیٹرول اور مہنگائی پر بس نہیں، استعفی تو عمران خان کے بس میں ہے : شہباز شریف 

تفصیلات کے مطابق سماجی رابطے کی ویب سائٹ ٹوئٹر پر جاری بیان میں اپوزیشن لیڈر قومی اسمبلی اور صدر مسلم لیگ (نون ) میاں  شہباز شریف نے کہا کہ آٹا، چینی، گھی، دوائی، بجلی، گیس، پیٹرول، معیشت اور مہنگائی پر بس نہیں چل رہا تو استعفیٰ دینا عمران خان کے بس میں ہے۔ 

شہباز شریف نے کہا کہ  چینی کے بعد پٹرول اور اس پر بجلی کی قیمتوں میں ایک اور اضافہ عوام پر مہنگائی کی بمباری ہے،  ظلم کی یہ حکومت نہیں چل سکتی۔

 انہوں نے مطالبہ کیا کہ وزیراعظم استعفی لکھ کر عوام کو فوری ریلیف دیں۔ 

آٹا، چینی، گھی، دوائی، بجلی، گیس، پٹرول، معیشت، مہنگائی پر بس نہیں چل رہا تو استعفیٰ دینا عمران خان کے بس میں ہے؛ استعفی لکھ کر عوام کو فوری ریلیف دیں۔ چینی کے بعد پٹرول اور اس پر بجلی کی قیمتوں میں ایک اور اضافہ عوام پر مہنگائی کی بمباری ہے۔ ظلم کی یہ حکومت نہیں چل سکتی۔

— Shehbaz Sharif (@CMShehbaz) November 6, 2021

واضح رہے کہ آج اپوزیشن سیاسی جماعتوں کے اتحاد پی ڈی ایم   نے  پٹرول ، چینی  کی قیمتوں اور روزبروز مہنگائی میں اضافے سے متعلق ہنگامی اجلاس بھی طلب کررکھا ہے ۔