ٹی 20 ورلڈ کپ: آسٹریلیا نے ویسٹ انڈیز کو شکست دے دی

تفصیلات کے مطابق ٹی 20 ورلڈ کپ گروپ اے کےمیچ میں آسٹریلیا نے ویسٹ انڈیز کے خلاف ٹاس جیت کر فیلڈنگ کا فیصلہ کیا تھا۔ ویسٹ انڈیز نے پہلے بیٹنگ کرتے ہوئے مقررہ اوورز میں 7 کھلاڑیوں کے نقصان پر 157 رنز بنائے اور آسٹریلیا کو جیت کے لیے 158 رنز کا ہدف دیا۔

ویسٹ انڈیز کے کپتان کیرن پولارڈ 44 اور ایون لیوئس نے 29 رنز کی اننگز کھیلی جبکہ کرس گیل نے 15، پوران نے 4 اور روسٹن چیز صفر پر آؤٹ ہو گئے۔

ڈیوین براوو ٹی 20 انٹرنیشنل میں اپنی آخری اننگز میں 10 رنز بنا کر آؤٹ ہوئے۔

آسٹریلیا کے جوش ہیزل ووڈ نے 39 رنز کے عوض 4 وکٹیں حاصل کیں جبکہ زمپا، پیٹ کمنز اور اسٹارک نے ایک ایک وکٹ حاصل کی، اندرے رسل نے ٹورنامنٹ کا 111 میٹر کا سب سے بڑا چھکا لگایا