پی ڈی ایم کا مہنگائی کیخلاف صوبوں میں مارچ کا فیصلہ

تفصیلات کے مطابق مولانا فضل الرحمان کی زیر صدارت پی ڈی ایم رہنماؤں کا ورچوئل اجلاس ہوا جس میں ملکی صورتحال اور ملک میں بڑھتی مہنگائی کی صورت حال پر تبادلہ خیال کیا گیا ہے۔

ذرائع کے مطابق اجلاس میں مہنگائی کےخلاف صوبوں میں مارچ کا فیصلہ کرلیا جبکہ  مہنگائی مارچ کا اختتام لانگ مارچ پر کیا جائے گا۔

ذرائع کا کہنا ہے کہ اجلاس میں 13 نومبر کو کراچی، 17 نومبر کو کوئٹہ اور 20 نومبر کو پشاور میں  مہنگائی مارچ کی تجویز دی گئی ہے۔

ذرائع کا کہنا ہے کہ پی ڈی ایم اجلاس میں اپوزیشن رہنماؤں نے نیب ترمیمی آرڈیننس اورالیکٹرانک ووٹنگ مشین کو مسترد کردیاہے۔

پی ڈی ایم کے مطابق انتخابی اصلاحات بلز روکنے کیلئے پارلیمنٹ کے مشترکہ اجلاس میں مکمل حاضری یقینی بنائی جائے گی اور انتخابی اصلاحات بلز روکنے کیلئے پیپلزپارٹی کے ساتھ بھی حکمت عملی بنانے کی مشاورت ہوگی۔