ورلڈ ٹی ٹوئنٹی :سیمی فائنل میں پہنچنے کیلئے جنوبی افریقا کو انگلینڈ کو کتنے رنز پر آؤٹ کرنا ہوگا

تفصیلات کے مطابق جنوبی افریقا نے پہلے کھیلتے ہوئے 20 اوورز میں 2 وکٹوں کے نقصان پر 189 رنز بنائے،جنوبی افریقا کی جانب سے راسی ڈسن نے 60 گیندوں پر ناقابل شکست 94 اور ایڈن مرکرم نے 25 گیندوں پر 52 رنز ناٹ آؤٹ بنائے۔

یہ میچ جنوبی افریقا کیلئے انتہائی اہم ہے کیوں کہ شکست کی صورت میں وہ ایونٹ سے باہر ہوجائے گا جبکہ اگر اس نے انگلینڈ کو اچھے مارجن سے شکست دے دی تو بہتر رن ریٹ کی بنیاد پر سیمی فائنل میں جاسکتا ہے۔

جنوبی افریقا کو سیمی فائنل میں پہنچنے کے لیے انگلینڈ کو 131 یا اس سے کم اسکور پر روکنا ہوگا بصورت دیگر میچ جیت کر بھی جنوبی افریقا ایونٹ سے باہر ہوجائے گا اور انگلینڈ اور آسٹریلیا سیمی فائنل میں پہنچ جائیں گی۔

 اگر جنوبی افریقا نے انگلینڈ کو 86 سے پہلے آؤٹ کردیا تو وہ مسلسل چار میچز جیت کر بھی ایونٹ سے باہر ہوجائے گا البتہ 86 سے اوپر اسکور کرنے پر انگلینڈ سیمی فائنل میں پہنچ جائے گا چاہے میچ کا نتیجہ کچھ بھی ہو اور اگر اس نے 106 رنز بنالیے تو پھر وہ گروپ 1 کی ٹاپ ٹیم بھی بن جائے گی۔