حکومت مخالف تحریک میں تیزی لانے کے لیے ن لیگ نے حکمت عملی تیار کر لی

لاہور : حکومت کو مشکل میں ڈالنے  کے لیے ن لیگ نے حکمت عملی تیار کر لی ہے ۔ 

ذرائع کے مطابق ن لیگ کا حکومت کے خلاف جارحانہ رول ادا کرنے کے لئے مسلم لیگ ن کی نائب صدر مریم نواز کو میدان میں اتارنے کا فیصلہ کیا ہے ۔ حکومت کے خلاف سیاسی ماحول کو گرمانے کے لئے مریم نواز شہباز شریف کے ہمراہ  میدان میں ہوں گی۔

موجودہ حکومت کے خلاف ممکنہ تحریک مسلم لیگ ن کی تیاریاں مزید تیز ہوگئی ہیں ۔   عوامی سطح پر سیاسی ماحول کو گرمانے اور جارحانہ سیاست کا رول مریم نواز ادا کریں گی۔ 

ذرائع کا کہنا تھا کہ ملک بھر میں عوامی سطح پر  احتحاجی جلسے روڈ کاروان یا لانگ مارچ ہوں گے ان سے مریم نواز بھی خطاب کریں گے۔ ان ہاؤس تبدیلی یا پارلیمانی اور انتخابی سیاست کا کردار پارٹی کے صدر شہباز شریف  کے سپر د ہے ۔ 

ہیں ۔  مہنگائی کے ایشو پر بھی حکومت کے خلاف احتجاجی مظاہروں کے لیے ن لیگ نے تیاریاں شروع کردی ہیں ۔ مسلم لیگ ن کی قیادت نے تمام ضلعی و تحصیل  کے پارٹی عہدیداروں کو ہدایات جاری کردی گئی ہیں ۔ 

 ارکان اسمبلی اور عہدیداران اپنے اپنے علاقوں میں ظالمانہ مہنگائی اور بے روز گاری کے ایشو پر لوگوں کو تیار کریں۔  حکومت کے خلاف متوقع لانگ مارچ کے لئے ہر پی پی کے حلقہ سے دو دو سو کارکنوں کو لانے کی ہدایت کی ہے ۔