لاہور قلندر کے آل راؤنڈر ڈیوڈ ویزے "شلوار چیلنج " پورا کرنے میں ناکام

پاکستان سپر لیگ ( پی ایس ایل ) کے آفیشل اکاؤنٹ کی جانب سے ایک ویڈیو جاری کی گئی ہے جس میں ڈیوڈ ویزے کو شلوار میں ازار بند ڈالنے کی کوشش کرتے ہوئے دیکھا جاسکتا ہے تاہم وہ اس میں ناکام رہتے ہیں،اس دوران وہ شلوار  کے اوپر سے ہی ازار بند کو باندھنے کی کوشش بھی کرتے ہیں۔

David Wiese can chase down any target, but can he tackle a shalwar? Watch him try to wear one in our #ShalwarChallenge

Full video: https://t.co/LmQZh1HcB7 #HBLPSL6 I #MatchDikhao l @David_Wiese pic.twitter.com/31jGqduBpL

— PakistanSuperLeague (@thePSLt20) March 1, 2021

بعدازاں لاہور قلندر کے کپتان سہیل اختر نے آکر ان کی مدد کی اور شلوار میں ازار بند ڈال کر دکھایا۔ جبکہ ویڈیو میں یہ بھی دیکھا جا سکتا ہے کہ ڈیوڈ ویزے شلوار چیلنج کے دوران حیرانی کا اظہار کر رہے ہیں۔ ڈیوڈ ویزے سہیل اختر سے پوچھتے ہیں کہ یہ لوگ پہنتے بھی ہیں جس پر وہ بتاتے ہیں کہ زیادہ تر پختون لوگ شلوار قیمض پہنتے ہیں۔

واضح رہے کہ اس سے قبل کرس گیل نے بھی شلوار چیلنج  میں حصہ لیا تھا تاہم وہ ازار بند ڈالنے میں کامیاب رہے تھے۔