ثا نیہ مرزا کی ٹینس سٹار اعصام الحق اور عقیل خان کیساتھ پریکٹس 

تفصیلات کے مطابق ثا نیہ مرزانےپاکستان کے انٹرنیشنل ٹینس سٹار اعصام الحق اور عقیل خان کیساتھ پریکٹس کی،  ٹینس سٹار نے 2گھنٹہ سٹیٹ آف دی آرٹ ٹینس کورٹ میں پریکٹس کی۔

انٹرنیشنل ٹینس سٹار ثانیہ مرزا کا کہنا تھا کہ  سپورٹس بورڈ نے شاندارٹینس کورٹ بنایا،  ٹینس کورٹ میں عالمی معیار کی سہولیات دیکھ کر خوشی ہوئی، ٹینس کورٹ میں پریکٹس کرکے لطف آیا، ٹینس کورٹ کی سہولیات سے ٹینس کے کھیل کو فروغ ملے گا۔

ٹینس سٹار اعصام الحق نے  کہا کہ  ثانیہ مرزا کے ساتھ 2 دن ٹینس کھیلنے کا موقع ملا، ثانیہ مرزا کے ساتھ پہلے بھی پریکٹس کرتا رہتا ہوں،   ثانیہ مرزا کے ساتھ اچھی دوستی ہے وہ کل واپس دبئی جارہی ہیں، امن کے لئے پاک بھارت میچز ہونے چاہئیں،  سیاسی وجوہات کے باعث دونوں ملکوں کے درمیان  ٹینس نہیں ہوپا رہی، بھارتی کھلاڑی بھی پاکستان  آکر کھیلنا چاہتے ہیں۔