چیف سیلکٹر نے بڑے ناموں کو ٹیم سے ڈراپ کرنے کی وجہ بتا دی

تفصیلات کے مطابق چیف سیلکٹر محمد وسیم کا کہنا تھا کہ قومی ٹی ٹوئنٹی اسکواڈ متوازی ہے، اسکواڈ کی تعداد کم کرنے کیلئے شعیب ملک، سرفراز احمد اور عماد وسیم کو اسکواڈ میں شامل نہیں کیا گیا۔

ان کا کہنا تھا کہ انجری کے بعد نان اسٹاپ کرکٹ کھیلنے والے حسن علی کو ان کی مشاورت سے آرام دیا گیا ہے۔

یاد رہے کہ ویسٹ انڈیز کے خلاف ون ڈے اور ٹی ٹوئنٹی سیریز کے لیے قومی ٹیم کا اعلان کر دیا گیا ہے۔

ون ڈے ٹیم میں بابراعظم کپتان، شاداب خان نائب کپتان، آصف علی، فخر زمان، حیدر علی، حارث رؤف، افتخار احمد، امام الحق، خوشدل شاہ، محمد نواز، محمد رضوان،محمد وسیم جونیئر، محمد حسنین، سعود شکیل، شاہین شاہ آفریدی، شاہ نواز دھانی، اور عثمان قادر شامل ہیں۔ عبداللہ شفیق کو بطور ٹریولنگ ریزرو کھلاڑی رکھا گیا ہے۔

ٹی ٹوئنٹی ٹیم کی کپتانی بابراعظم کریں گے جب کہ شاداب خان نائب کپتان، آصف علی، فخر زمان، حیدر علی، حارث روف، افتخار احمد، خوشدل شاہ، محمد حسنین، محمد نواز، محمد رضوان،  محمد وسیم جونیئر، شاہین شاہ آفریدی، شاہ نواز دھانی اور عثمان قادر شامل ہیں۔