سونے کی قیمت میں کمی

تفصیلات کے مطابق صرافہ بازار ایسوسی ایشن کے مطابق ایک تولہ سونا 1050 روپے سستا ہوکر 1لاکھ7 ہزار دو سو روپےکا ہوگیا ہے۔10گرام سونےکی قیمت  میں 900 روپےکی کمی ہوئی ہے اور 10 گرام سونا 91ہزار 907 روپےکا ہوگیا ہے۔

صرافہ ایسوسی ایشن کے مطابق  عالمی بازار میں سونا 13 ڈالر سستا ہوکر 1730 ڈالر فی اونس کا ہے۔

دوسری جانب کاروباری ہفتے کے دوسرے روز، انٹر بینک میں ڈالر کے مقابلے میں پاکستانی روپے کی قدر میں مسلسل اضافہ ہوا ہے۔ انٹربینک میں ڈالر کی 157روپے 85 پیسے پربند ہوا۔

اسٹیٹ بنک آف پاکستان نے ڈالر کی قیمت جاری کردی، ڈالر کی قدر میں 19 پیسے کمی آ گئی۔ انٹر بینک میں ڈالر کے مقابلے میں پاکستانی روپے کی قدر میں مسلسل اضافہ ہورہا ہے۔ انٹربینک میں ڈالر کی ٹریڈنگ 157روپے 85 پیسے پر کلوز ہوئی۔انٹر بینک میں ڈالر 158 روپے چار پیسے سے کم ہو کر کر 157 روپے پچاسی پیسےکا ہوگیا۔