وزیراعظم عمران خان آج شام قوم سے خطاب کریں گے

جی این این کے مطابق گزشتہ روز سینیٹ انتخابات کے نتائج نے حکومتی صفوں میں ہلچل مچا دی ، جس کے بعد وزیر اعظم عمران خان متحرک ہو چکے ہیں۔ وزیر اعظم عمران خان آج شام قوم سے خطاب کریں گے۔ اور سینیٹ الیکشن سے بعد کی صورت حال پر قوم کو اعتماد میں لیں گے۔

جبکہ وزیراعظم نے کچھ دیر قبل اہم اجلاس کی صدارت کی ، جس میں قومی اسمبلی کا اجلاس ہفتے کی دوپہر سوا12 بجے بلانے کا فیصلہ کیا گیا  جبکہ  اور پی ٹی آئی کے تمام ارکان کوحاضری یقینی بنانے کی ہدایت کر دی گئی ہے۔ اس مقصد کے لیے وزیر اعظم کی ہدایت پر پی ٹی آئی کے ارکان قومی اسمبلی کو بھی اسلام آباد سے باہر جانے سے روک دیا گیا ہے۔

وزیر اعظم عمران خان نے چیئرمین سینٹ کے لیے صادق سنجرانی کا نام بھی فائنل کیا۔ وفاقی وزیر اطلاعات شبلی فراز نے سماجی رابطے کی ویب سائٹ ٹوئٹر پر وزیراعظم عمران خان کی جانب سے صادق سنجرانی کو چیئرمین سینیٹ نامزد کرنے کی تصدیق کردی۔

اجلاس سے قبل وزیراعظم عمران خان سے آرمی چیف جنرل باجوہ نے ملاقات کی ،ملاقات میں ڈی جی آئی ایس آئی جنرل فیض حمید بھی موجود تھے،ملاقات میں ملکی موجودہ مجموعی، داخلی اورسیکیورٹی صورتحال پر بریفنگ دی گئی۔