کابینہ کی ملزم عبدالقادر احسان کی پاکستان سے یوکے حوالگی کی منظوری ، ذرائع

ذرائع کا کہنا ہے کہ  وزارت داخلہ کی جانب سےملزم کی یوکے حوالگی کی سمری پیش کی گئی، وفاقی کابینہ اجلاس میں نیشنل انسٹیٹیوٹ آف انٹیلی جینس اینڈ سکیورٹی سٹڈیز کے قیام کی سمری موخر کردی گئی۔

ذرائع کے مطابق کراچی پورٹ ٹرسٹ کے چیرمین کی دو سال کےلئے تقرری کی منظوری دیدی گئی،  پاکستان ٹوبیکو بورڈ کے نوٹیفکیشن کی منظوری دیدی گئی،  پاکستان ادارہ شماریات میں 3 ممبران کی تقرری کی منظوری دیدی گئی۔

ذرائع کا کہنا ہے کہ  سی پیک اتھارٹی اور چینی وزارت ماحولیات کے درمیان مفاہمتی یاداشت کی ایکس پوسٹ فیکٹو منظوری دیدی ہے، رواں مالی سال کے گذشتہ چھ ماہ میں اضافی اخراجات کی سٹیٹمنٹ جاری کرنے کی منظوری دیدی گئی، جبکہ  نیپرا کی سالانہ رپورٹ کا ایجنڈا موخر کردیا گیا ہے۔