بلال یاسین پر فائرنگ   کرنیوالے دونوں حملہ آور گرفتار

تفصیلات کے مطابق ایم پی اےبلال یاسین پر فائرنگ  کے واقعہ  میں  اہم پیش رفت ہو ئی ہے ۔ سی آئی اے پولیس نے بلال یاسین پر فائرنگ کرنے والے دونوں حملہ آوروں کو گرفتار کرلیا ۔ گرفتار  ملزموں  سے   تفتیش   جاری ہے ۔

 12  دن بعد مسلم لیگ ن کے  رکن پنجاب اسمبلی  بلال یاسین  پر   فائرنگ کرنے والے  شو ٹر ز ماجد اور  کاشف پولیس کی  گرفت میں آ  ہی  گئے۔ سی آئی اے پولیس نے ملزموں کو  خفیہ  اطلاع پر  رات گئے شاہدرہ  سے  گرفتار کیا  ۔

پولیس کے مطابق  حملے کے وقت دونوں آئس کے نشے میں دھت تھے۔ ملزموں   کا تعلق ننکانہ صاحب سے ہے  جبکہ   کچھ  عرصے  سے بلال گنج   میں مقیم تھے۔ ملزم     ماجد اور  کاشف کو کل صبح شناخت پریڈ کیلئے عدالت میں پیش کیا جائے گا۔

پولیس نے دونوں سہولت کار ساجد اور فخر عالم کو بھی  دھر  لیاہے۔  واقعہ کی تحقیقات اور ملزموں کی  گرفتار ی  کیلئے 16 ٹیمیں تشکیل د ی  گئیں   جبکہ  متعدد لوگوں کو  بھی شامل تفتیش کیا گیا۔ 

خیال رہے کہ بلال یاسین پر 31 دسمبر کی رات   موہنی  روڈ  پر فائرنگ کی گئی تھی  جس  سے وہ  شدید زخمی ہو ئے ۔  لیگی  رہنما    میو ہسپتال  سے ڈسچارج  ہوکر  گھر منتقل    ہوچکے ہیں۔