انارکلی دھماکہ : فوٹیجز کی مدد سے مبینہ دہشت گرد کی شناخت کر لی گئی ، تفتیشی ذرائع

تفصیلات کے مطابق پولیس اور حساس اداروں کی تفتیش جاری  ہے، تفتیشی ذرائع کا کہنا ہے کہ فوٹیجز کی مدد سے مبینہ دہشت گرد کی شناخت کر لی گئی، مبینہ دہشت گرد موٹر سائیکل پر جائے وقوعہ تک آیا، مبینہ دہشت گرد نے جائے وقوعہ پر ایک بیگ رکھا۔

تفتیشی ذرائع کا کہنا ہے کہ  مبینہ دہشت گرد کے جانے کے 4 منٹ بعد دھماکہ ہوا، مبینہ دہشت گرد کے فرار ہونے کی مزید فوٹیجز حاصل کی جا رہی ہیں۔ دھماکہ میں استعمال ہونے والے بارودی مواد کا جائزہ لیا جا رہا ہے۔