کورونا کے وار:10 مزید تعلیمی ادارے سیل کرنے کے حوالے سے مراسلہ جاری

تفصیلات کے مطابق  شہر اقتدار کے تعلیمی ادارے کورونا کی زد میں آگئے۔نیشنل کمانڈ اینڈ آپریشن سینٹر(این سی او سی)  کی ہدایت پر ڈی ایچ او کی جانب سے تعلیمی اداروں میں ٹیسٹنگ جاری ہے، ڈی ایچ او کی جانب سے مزید کیسز رپورٹ ہونے پر مراسلہ جاری کردیا گیا۔ 10 مزید تعلیمی ادارے سیل کرنے کے حوالے سے ڈی سی آفس کو مراسلہ بھیجا گیا۔

خیال رہے کہ  گزشتہ 5 روز میں 40 کے قریب تعلیمی اداروں میں کورونا کیسز رپورٹ ہوئے ہیں ۔ ڈسٹرکٹ ہیلتھ آفس کی جانب سے تمام متاثرہ تعلیمی اداروں کو سیل کرنے کے حوالے سے مراسلے جاری کیےگئے۔