عمران خان اب تاریخ کا حصہ بن چکے ہیں ، مریم نواز

سماجی رابطے کی ویب سائٹ ٹوئٹر پر ایک ٹویٹ میں مسلم لیگ ن  کی نائب صدر مریم نواز نے کہا ہے کہ  عمران خان کے الفاظ سے اپنے اور تحریک انصاف کے مستقبل کے حوالے سے ناکامی اور بد اعتمادی جھلک رہی تھی ، وزیرا عظم عمران خان اب تاریخ کا حصہ بن چکے ہیں ،  عمران خان اب تاریخ کے طور پر پڑھائے جائیں گے جو عوامی تاریخ کی بجائے سازش اور پلانز پر انحصار کرتے رہے ، عمران خان نا صرف شکست خوردہ بلکہ شکست کو تسلیم کیے ہوئے شخص نظر آئے ،  حکومت میں چار سال گزار   کرعمران خان رو کر فریاد کرتے نظر آئے ، جن مافیاز کی عمران خان شکایتیں کرتے ہیں وہ تو انکے دائیں بائیں کھڑے ہیں،  مافیاز دراصل عمران خان کا کچن چلاتے رہے ۔

 مریم نواز  نے مزید لکھا کہ  جو جھوٹے مقدمے شریف خاندان اور مسلم لیگ ن کے خلاف بنائے گئے وہ اب اپنے انجام کو پہنچ رہے ہیں ،  اب عمران خان کی حقیقت پوری دنیا پر عیاں ہوچکی ہے ، عمران خان اب عدلیہ کو مورد الزام مت ٹھہرائیں ،  عمران خان کے پاس انتقام اور بدلے کے سوا کچھ نہیں ،  عمران خان کی دم توڑتی امیدیں بھی عوام کیلئے ایک امید ہے ۔