طالبان حکومت لڑکیوں کی تعلیم کے لئے پرعزم ہے :  افغان وزارت تعلیم

افغانستان کی نیوز ایجنسی خاما کے مطابق وزارت تعلیم کے ترجمان عزیز احمد نے کہاکہ افغانستان میں لڑکیوں کے ہائی سکول مارچ سےدوبارہ کھلیں گے۔ انہوں نے بیان میں کہا ہے کہ طالبان لڑکیوں کی تعلیم کے حامی ہیں اورلڑکیوں کے سکول کھولنے کا فیصلے کا تعلق کسی بھی بین الااقوامی دباؤ سے نہیں ہے۔

ان کا کہنا تھا کہ لڑکیوں کے سکو ل بند کرنے کی وجہ یہ تھی کہ طالبان لڑکیوں کے لئے تعلیمی حوالے سے ایک مضبوط نظام تشکیل دے رہی تھے اور طالبان حکومت لڑکیوں کی تعلیم کے لئے پر عزم اور پر امید ہے۔

انہوں نے بتایا کہ حکومت نے خواتین اساتذہ کی تنخواہیں ادا کی ہیں، لڑکیوں کیلئے مزید خواتین اساتذہ بھرتی کریں گے اور خواتین اساتذہ نہ ہونےکی صورت میں صرف عمر رسیدہ مرد اساتذہ لڑکیوں کو تعلیم دیں گے۔

واضح رہے کہ افغانستان میں طالبان کے اقتدار میں آنے کے بعد سے چھٹی جماعت تک لڑکیوں کو تعلیم دی جارہی ہے۔

بشکریہ :( اے پی پی )