غیر ملکی طلبہ کیلئے آسٹریلیا کا بڑا اعلان

غیر ملکی خبر رساں ادارے کے مطابق  آسٹریلوی وزیر امیگریشن الیکس ہاک  کی جانب سے جاری کردہ بیان میں کہا گیا ہے کہ گزشتہ 2ماہ کے دوران 43 ہزار طلبہ آسٹریلیا میں داخل ہوئے جو ہمارے تعلیمی نظام پر اعتماد کا اظہار ہے۔

آسٹریلوی وزیراعظم نے غیر ملکی طلبہ کو 630 آسٹریلوی ڈالر فی طالبعلم چھوٹ دینے کا اعلان کیا ہے۔آسٹریلیا کی یونیورسٹیوں اور کالجوں میں پہلے سے انرول طلبہ کے علاوہ  18 فروری سے موجودہ اور سابق عارضی گریجویٹ ویزا ہولڈر کےداخلہ قواعد میں بھی نرمی کی گئی ہے۔ایسے افراد آسٹریلیا میں داخلے کے بعد مزید قیام کے لیے اپلائی کرسکتے ہیں۔

 عارضی گریجویٹ ویزا رکھنے والے یکم فروری 2020 سے 14 دسمبر 2021 تک آسٹریلیا سے باہر لوگوں کے ویزے میں توسیع کی گئی ہے، اس کیلئے  وہ ہوم افیئر ڈیپارٹمنٹ سے براہ راست رابطہ کرسکتے ہیں جس کے بعد وہ 18 فروری سے آسٹریلیا میں داخل ہوسکیں گے۔

پاکستان کے ہائی کمشنر زاہد حفیظ چوہدری نے آسٹرییلوی حکومت کے اس فیصلے کو خوش آئند قرار دیتے ہوئے ٹوئٹر پیغام میں کہا کہ  آسٹریلیا میں انرول پاکستان کے 11500  طلبہ سمیت دیگر غیرملکی طلبہ کے لیے یہ ایک بہترین خبر ہے۔

A welcome news for international students including over 11500 Pakistani ?? students enrolled in Australian ?? universities @SciDipPak @FMPublicDiploPK @PakinAustralia pic.twitter.com/hKk117eAmr

— Zahid Hafeez Chaudhri (@Zhchaudhri) January 19, 2022