صحافی حسنین شاہ کے کیس میں پیش رفت ، ملز م عامر بٹ  گرفتار

تفصیلات کے مطابق صحافی حسنین شاہ کے کیس میں پیش رفت ہوئی ہے۔ذرائع پولیس کا کہنا ہے کہ ملز م عامر بٹ  کو سی آئی اے پولیس نے  جیل روڈ سے  حراست میں لے لیا۔

ذرائع کا کہنا ہے کہ  ملزم سے مختلف پہلوؤں پر تفتیش شروع کردی گئی۔

چند روز قبل لاہورپریس کلب کے باہر دو موٹر سائیکل سواروں کی فائرنگ  سے  صحافی حسنین شاہ  جاں بحق ہو گئے تھے، شملہ پہاڑی کے قریب نامعلوم افراد کی فائرنگ سے صحافی حسنین شاہ کے جاں بحق ہونے کے معاملے پر سی سی پی او فیاض احمد دیو  نے نوٹس لیا تھا،ایس ایس پی آپریشنز سے رپورٹ طلب کی تھی۔

 وزیراعلیٰ پنجاب سردار عثمان بزدار نے لاہور پریس کلب کے باہر نجی ٹی وی کے صحافی کے قتل کے واقعہ کا نوٹس لیا تھا اور انسپکٹر جنرل پولیس سے رپورٹ طلب کی تھی۔